Գազայի հատվածի առողջապահության նախարարության տվյալով՝ առնվազն 20 մարդ է զոհվել և 150-ը վիրավորվել մարդասիրական օգնության սպասող մարդկանց խմբին իսրայելական հարվածից հետո:
Իսրայելական բանակը նշել է, որ ուսումնասիրում է տեղեկությունները:
Միևնույն ժամանակ, առնվազն 5 մարդ է զոհվել հարավային Ռաֆահ քաղաքում մզկիթի վրա հարձակման հետևանքով: Լրագրողների նկարահանած կադրերը ցույց են տվել ավերածությունների չափը, շենքերը մասամբ քանդվել են կամ ամբողջությամբ փլուզվել:
Ըստ Գազայի հատվածի առողջապահության նախարարության՝ Գազայում իսրայելական գործողությունների հետևանքով զոհվել է ավելի քան 25700 պաղեստինցի: Հոկտեմբերի 7-ից ի վեր Գազայի վրա Իսրայելի հարձակումների պատճառով վիրավորվել է 63740 մարդ:
Հեղինակ՝ Սիլվի Սիրականյան
