Հոկտեմբերի 7-ին Իսրայելի վրա ՀԱՄԱՍ-ի հարձակումից հետո եվրոպական երկրներում հակասեմական հանցագործությունների թիվն աճել է։ Գերմանիայում, պաշտոնական տվյալներով, հոկտեմբերից հունվար ընկած ժամանակահատվածում նման միջադեպերի թիվն անցյալ տարվա նույն ժամանակահատվածի համեմատ աճել է 320%-ով, կատարվել է 2249 հանցագործություն։ Այդ մասին հայտարարել է հակասեմիտիզմի դեմ պայքարի դաշնային կառավարության հանձնակատար Ֆելիքս Կլայնը։
Ֆրանսիան նույնպես բախվել է նմանատիպ խնդրի: Ներքին գործերի նախարարության տվյալներով՝ հոկտեմբերից ի վեր երկրում գրանցվել է 1676 հակահրեական ակտ։ Նույնքան նմանատիպ հանցագործություններ կատարվել էին նախորդ երեք տարիների ընթացքում: Հրեաների դեմ ուղղված գործողությունների գրեթե 60%-ը, ըստ գերատեսչության, եղել է ֆիզիկական հարձակում, բանավոր սպառնալիք, ժեստերի ցուցադրություն։
