Հյուսիսատլանտյան դաշինքը կաջակցի Ուկրաինային ամեն օր Ռուսաստանի դեմ նրա պաշտպանական պատերազմում, վստահեցրել է ՆԱՏՕ-ի ռազմական կոմիտեի նախագահ Ռոբերտ Բաուերը՝ Բրյուսելում կայացած նիստի ժամանակ։ «Այս պատերազմի ելքը կորոշի աշխարհի ճակատագիրը»,- ընդգծել է նա։
Բաուերը կարծում է, որ պատերազմը երբեք կապված չի եղել Ռուսաստանի անվտանգությանը սպառնացող որևէ իրական սպառնալիքի հետ, որը կբխեր Ուկրաինայից կամ ՆԱՏՕ-ից։ «Այս պատերազմը պայմանավորված է նրանով, որ Ռուսաստանը վախենում է մի բանից, որը շատ ավելի հզոր է, քան երկրագնդի ցանկացած ֆիզիկական զենք՝ ժողովրդավարությունից: Եթե Ուկրաինայում մարդիկ կարող են ժողովրդավարական իրավունքներ ունենալ, ապա Ռուսաստանում էլ շուտով կցանկանան դրանք ունենալ»,- կարծում է Հյուսիսատլանտյան դաշինքի ռազմական կոմիտեի ղեկավարը։
Նա նշել է, որ ՆԱՏՕ-ն պաշտպանում է ոչ միայն դաշինքի անդամ երկրների միլիարդավոր բնակիչների ֆիզիկական անվտանգությունը, այլև նրանց ազատությունն ու ժողովրդավարությունը։
