Հայաստանի պետական եկամուտների կոմիտեն 2023 թվականին հավաքագրել է 2 տրլն 221 մլրդ դրամի հարկային եկամուտ, որը նախորդ տարվա համեմատ ավելի է մոտ 296 մլրդ դրամով: Այս մասին լրագրողների հետ ճեպազրույցում ասաց պետական եկամուտների կոմիտեի նախագահ Ռուստամ Բադասյանը:
«Մեր կանխատեսմամբ՝ հարկեր-ՀՆԱ ցուցանիշի էական բարելավում է լինելու, ինչը նշանակում է Հայաստանում ստվերային տնտեսությունը կրճատվում է»,- ասաց Բադասյանը:
Բադասյանի խոսքով՝ նախորդ տարի շատ բացահայտումներ են եղել, ստվերային շրջանառությունների մասով միլիարդավոր դրամների հարկեր են վերականգնվել պետական բյուջե, որն անուղղակի ազդեցություն է ունեցել հարկային կարգապահության վրա:
