Իրանում Ադրբեջանի դեսպանատան գործունեության վերսկսման ճանապարհային քարտեզ է պատրաստվել՝ Իրանի և Ադրբեջանի դատախազությունների ներկայացուցիչների հանդիպումից հետո հայտարարել է Իրանի արտաքին գործերի նախարարության ներկայացուցիչ Նասեր Քանանին:
«Այս հանդիպումը Թեհրանի և Բաքվի ջանքերի մաս է՝ երկկողմ հարաբերություններում առկա հարցերը լուծելու և Իրանում Ադրբեջանի դեսպանատան հետ կապված խնդիրները լուծելու և կարգավորելու»,- ասել է Քանանին՝ հավելելով՝ մինչ օրս գործընթացը դրական է եղել, և այս գործի հետ կապված բազմաթիվ հարցեր լուծվել են:
2023 թվականի հունվարի 27-ին զինված անձը հարձակվել էր Թեհրանում Ադրբեջանի դեսպանատան վրա։ Հարձակումից օրեր անց պաշտոնական Բաքուն տարհանեց Թեհրանում իր դեսպանատան բոլոր աշխատակիցներին և շուտով ամբողջությամբ դադարեցրեց դիվանագիտական ներկայացուցչության աշխատանքը։
Մանրամասները՝ ռեպորտաժում:
