Դեկտեմբերի 23-ին՝ ժամը 10։10-ի դրությամբ, Մարտունու, Գորիսի, Աշոցքի, Արթիկի, Սպիտակի, Մեղրիի և Ապարանի տարածաշրջաններում ձյուն է տեղում։
Բքի և անբավարար տեսանելիության պատճառով Վարդենյաց լեռնանցքը կցորդով տրանսպորտային միջոցների համար փակ է, իսկ մյուս տեսակի տրանսպորտային միջոցների համար՝դժվարանցանելի։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:
