Իրավիճակը Հարավային Կովկասում մնում է լարված, բայց կայունացման կայուն միտում կա. սեպտեմբերին ռուս խաղաղապահների միջնորդությամբ հաջողվել է մեկ օրում հրադադարի հասնել: Այդ մասին հայտարարել է Ռուսաստանի Զինված ուժերի գլխավոր շտաբի պետ, պաշտպանության նախարարի առաջին տեղակալ, բանակի գեներալ Վալերի Գերասիմովը՝ ՌԴ ՊՆ 2023 թ. գործունեության վերաբերյալ օտարերկրյա ռազմական կցորդների համար ճեպազրույցի ժամանակ:
«Ռազմական գործողությունների վարման ընթացքում ռուսական խաղաղապահ զորակազմն ապահովել է ավելի քան 10 հազար քաղաքացիական անձանց տեղակայումն իր տեղակայման վայրերում, իսկ հետագայում՝ Ղարաբաղի գրեթե ամբողջ բնակչության անվտանգ ելքը Հայաստանի տարածք։
Միևնույն ժամանակ, մեր զորակազմը շարունակում է կատարել առաջադրանքները՝ որպես խաղաղ կյանք կառուցելու և բնակիչներին տարածաշրջան վերադարձնելու հնարավորության երաշխավոր»,- հավելել է Գերասիմովը:
Նրա խոսքով՝ Մոսկվան նպատակաուղղված ձգտում է Հարավային Կովկասում տրանսպորտային հաղորդակցությունների ապաշրջափակմանը, Հայաստանի և Ադրբեջանի միջև խաղաղության պայմանագրի կնքմանը և երկու երկրների առավել սուր հակասությունների կարգավորմանը:
