Դեկտեմբերի 18-ին՝ ժամը 00։44-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վերին Խոտանան գյուղի եկեղեցու մոտակայքում բեռնատարը ձյան և մերկասառույցի պատճառով արգելափակվել է և խոչընդոտում է երթևեկությանը. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Աղվանիի հենակետից մեկ մարտական հաշվարկ։
Փրկարարները քարշակման միջոցով (մոտ 7 կմ) օգնություն են ցուցաբերել 3 բեռնատար ավտոմեքենաների, որոնք շարունակել են ընթացքը:
