«Հայփոստ» ընկերությունից տեղեկացնում են՝ 2023 թվականի դեկտեմբերի 4-ին, Ֆիլատելիստների հայկական ասոցիացիայի կազմակերպած «Քրիստոնեական արժեքներին և Ներսես Շնորհալու մահվան 850-րդ տարելիցին նվիրված ֆիլատելիստական ցուցահանդես» միջոցառման շրջանակներում հատուկ դրոշմակով մարվեց բացիկ՝ նվիրված Ֆիլատելիստական ցուցահանդեսին:
.JPG)
Բացիկի մարումն իրականացրին Հայաստանի Հանրապետության բարձր տեխնոլոգիական արդյունաբերության նախարարի տեղակալ Դավիթ Սահակյանը, «ՀայՓոստ» ընկերության գլխավոր գործադիր տնօրեն Արայիկ Աբրահամյանը, Մայր Աթոռ Սուրբ Էջմիածնի Արխիվի և թանգարանների տնօրեն Հոգեշնորհ Տ. Ասողիկ աբեղա Կարապետյանը, Տեղեկատվական և հաղորդակցության տեխնոլոգիաների գործատուների միության նախագահ, «Յունիքոմփ» ՓԲԸ-ի գլխավոր տնօրեն Արմեն Բալդրյանը, Ֆիլատելիստների հայկական ասոցիացիայի նախագահ Հովիկ Մուսայելյանը:
Երկկողմանի բացիկը պատրաստվել է 500 տպաքանակով:
Բացիկի վրա պատկերված են Սուրբ Էջմիածնի Մայր տաճարը՝ Արարատ լեռան խորապատկերին, Ֆիլատելիստների հայկական ասոցիացիայի լոգոտիպը և «ՖԻԼԱՏԵԼԻՍՏԱԿԱՆ ՑՈՒՑԱՀԱՆԴԵՍ ՆՎԻՐՎԱԾ ՔՐԻՍՏՈՆԵԱԿԱՆ ԱՐԺԵՔՆԵՐԻՆ ԵՎ ՆԵՐՍԵՍ ՇՆՈՐՀԱԼՈՒ ՄԱՀՎԱՆ 850-ՐԴ ՏԱՐԵԼԻՑԻՆ» գրառումը՝ հայերեն և անգլերեն:
