Ռուսական և ուկրաինան ուժերը հայտնում են մարտի դաշտում փոխադարձ հարվածների և էական կորուստներ պատճառելու մասին: ՌԴ ՊՆ տվյալով՝ ռուսական կողմը հետ է մղել ուկրաինական գրոհները Կուպյանսկի և Զապորոժիեի ուղղությամբ, վերականգնել Դոնեցկի գյուղերից մեկի նկատմամբ վերահսկողությունը:
Ուկրաինայի զինված ուժերի գլխավոր շտաբը տեղեկացրել է, որ վերջին ժամերին առաջնագծում 70-ից ավելի բախում է գրանցվել: Ուկրաինայի ռազմաօդային ուժերը, հրթիռային և հրետանային ստորաբաժանումները հարվածներ են հասցրել ռուսական մի շարք օբյեկտների, այդ թվում՝ կառավարման կետերի, զինամթերքի պահեստների, ռուսական անձնակազմի դիրքերի։
Մարտի դաշտում լարվածության ֆոնին Վոլոդիմիր Զելենսկին այցելել է առաջնագիծ՝ Խարկովի շրջանի Կուպյանսկ քաղաքի ուղղությամբ զորքերի տեղակայման վայր։
Ավելի վաղ Ուկրաինայի նախագահն այցելել էր Խերսոն, որը մշտապես ենթարկվում է հրետակոծության, ինչպես նաև Օդեսայի և Նիկոլաևի շրջան։
Մանրամասները` Դիանա Գասպարյանի ռեպորտաժում:
