Իրանի արտգործնախարար Հոսեյն Ամիր Աբդոլլահիանը հանդիպել է Հայաստանում Իրանի դեսպան Մեհդի Սոբհանիի և Ադրբեջանում դեսպան Աբբաս Մուսավիի հետ։
Իրանի ԱԳ նախարարը X-ի իր միկրոբլոգում գրել է, որ հանդիպման ժամանակ ընդգծել է հյուսիսային հարևան երկու պետությունների հետ կապերի խթանման կարևորությունը։
Նա շարունակել է, որ Իրանի Իսլամական Հանրապետության արտաքին քաղաքականությունը լուրջ ուշադրություն է դարձնում Հարավային Կովկասի տարածաշրջանին։
«Դիվանագիտական կորպուսի ուշադրությունը կենտրոնացած է այս տարածաշրջանում առանց օտարների միջամտության մշտական խաղաղություն և կայունություն հաստատելու և հարաբերությունների զարգացման ուղղությամբ»,- նշել է նա։
