Սկսվել է «Մանկական Եվրատեսիլ 2023» երգի մրցույթի քվեարկությունը։ Մրցույթի հաղթողին կարող եք որոշել օնլայն քվեարկությամբ:
Ներկայացնում ենք 3 պարզ քայլ` ինչպես անվճար քվեարկել մեր պատվիրակների օգտին Հայաստանից:
դիտեք բոլոր ելույթների նախադիտումները,
անվճար քվեարկեք Հայաստանը ներկայացնող Yan Girls խմբի և ձեր նախընտրած երկու այլ երկրի պատվիրակների օգտին (մրցույթի կանոնների համաձայն` պարտադիր է ընտրել 3 երկիր):
Ավելի վաղ հայտնել էինք՝ Նիցցայում տեղի է ունեցել «Մանկական Եվրատեսիլ 2023»-ի բացման պաշտոնական արարողությունը: Հայաստանը ներկայացնող աղջիկները փայլել էին կարմիր գորգին:
Հայաստանը երգի մրցույթում ներկայացնում է Do It My Way երգը: Հայաստանի այս տարվա պատվիրակներն ընտրվել են Հանրային հեռուստաընկերության նախապես հայտարարած մրցույթի արդյունքում:
Նանեն, Նենսին, Կամիլան, Սյուզաննան և Աիդան Yan Girls խումբը ստեղծել են հենց «Մանկական Եվրատեսիլին» մասնակցելու նպատակով:
Փոքրիկ երգչուհիները, ոգեշնչվելով K-pop-ի լեգենդար արտիստներից, իրենց երաժշտությանը նաև հայկական գույներ են հաղորդել: Երիտասարդ, գույնզգույն և ըմբոստ. նրանք երգում են սեփական ես-ն ունենալու կարևորության, ինքնավստահության և լավագույնին ձգտելու իրենց եղանակի մասին:
