Վրաստանի վարչապետ Իրակլի Ղարիբաշվիլին Ադրբեջանի նախագահ Իլհամ Ալիևի հրավերով ուրբաթ աշխատանքային այցով ժամանել է Բաքու:
Վրաստանի վարչապետի գրասենյակի տեղեկատվության համաձայն՝ Ղարիբաշվիլին՝ որպես պատվավոր հյուր, կմասնակցի Բաքվում կայանալիք Միավորված ազգերի կազմակերպության Կենտրոնական Ասիայի տնտեսությունների հատուկ ծրագրի 25-ամյակին նվիրված տնտեսական համաժողովին: Այս տարի այն նախագահում է Ադրբեջանը: Համաժողովի շրջանակում Բաքու են ժամանել նաև Տաջիկստանի, Ղազախստանի, Ղրղզստանի, Ուզբեկստանի նախագահները։ Այցի շրջանակում նախատեսված է Ադրբեջանի նախագահ Իլհամ Ալիևի հանդիպումը Ղարիբաշվիլու հետ:
Ալիևը հանդիպել է Հունգարիայի վարչապետ Վիկտոր Օրբանի հետ։ Հունգարիայի վարչապետը երախտագիտություն է հայտնել՝ գագաթնաժողովին որպես պատվավոր հյուր մասնակցելու հրավերի համար։ Նա հունգար ժողովրդի բարեմաղթանքներն ու շնորհավորանքներն է փոխանցել Ալիևին։ Օրբանը շնորհակալություն է հայտնել Ադրբեջանին՝ Հունգարիան թյուրքական ընտանիքին մերձեցնելու և Թյուրքական պետությունների կազմակերպության հետ հարաբերությունները զարգացնելու համար։
