Լուկաս Սելարայանը, գրավելով Ուելսի հավաքականի դարպասը, 3 գնդակով դարձավ Եվրո-2024-ի որակավորման փուլում մեր ընտրանու լավագույն ռմբարկուն: Այս մասին տեղեկացրին ՀՖՖ-ից:
«Հատկանշական է, որ բոլոր գոլերն էլ Լուկասը խփել է Ուելսի հավաքականի հետ կայացած ընտրական երկու հանդիպումներում:
Սելարայանն ընդգրկվեց ազգային հավաքականում գոլ խփած ամենատարեց ֆուտբոլիստների տասնյակում՝ Ուելսի ընտրանու դարպասը գրավելով 31 տարեկան 151 օրականում:
Այստեղ ռեկորդակիրը Սարգիս Հովսեփյանն է, ով հավաքականում աչքի է ընկել 36 տարեկան 311 օրական հասակում՝ 2009 թ. գրավելով բելգիացիների դարպասը»,- ասված է հաղորդագրության մեջ:
