Ֆրանսիան խախտում է կայունությունը ոչ միայն նախկին և ներկա գաղութներում, այլև Հարավային Կովկասում՝ «Ապագաղութացում. կանանց ներուժի զարգացում» միջազգային համաժողովի մասնակիցներին ուղղված ելույթում հայտարարել է Իլհամ Ալիևը:
Ադրբեջանի նախագահի ձևակերպմամբ՝ Հայաստանին զինելով՝ Փարիզը ռազմատենչ քաղաքականություն է վարում և հող նախապատրաստում տարածաշրջանում նոր պատերազմների համար։ Նա նաև հայտարարել է, թե Ֆրանսիան արևմտյան կազմակերպությունների միջոցով փորձում է ճնշում գործադրել տարբեր պետությունների վրա: Ալիևը հերթական անգամ մեղադրել է Փարիզին կողմնակալ և ոչ օբյեկտիվ քաղաքականության համար:
Ադրբեջանի նախագահը կոչ է արել Փարիզին՝ հայտարարություններ չանել այլ երկրներում, Ալիևի ձևակերպմամբ, մտացածին էթնիկ զտումների մասին:
Մանրամասները՝ ռեպորտաժում:
