Իսրայելում արգելվում է քննադատել իսրայելական բանակի գործողությունները Գազայի հատվածում, գրում է Euronews-ը:
Հարձակումները քննադատող իսրայելցիները, այդ թվում՝ համալսարանի դասախոսներ, լրագրողներ և քաղաքական գործիչներ, հալածանքների են ենթարկվում իրենց բողոքը բարձրաձայնելու համար:
Իսրայելցի արաբներն ասում են, որ վախենում են ձերբակալվելուց՝ պատերազմի դեմ բարձրաձայնելու, այդ թվում՝ Ֆեյսբուքում պաղեստինցիներին աջակցող հաղորդագրություններ տարածելու համար մեղադրանքների պատճառով: Նրանց արգելված է նույնիսկ լաց լինել Գազայում սպանված պաղեստինցի երեխաների համար:
Իսրայելի կառավարության ներկայացուցիչը Euronews-ին հայտնել է, որ երկիրը հետևում է հրահրման դեպքերին և հետաքննում դրանցից յուրաքանչյուրը:
Անցյալ տարի փետրվարին Ազգային անվտանգության նախարար Իտամար Բեն-Գվիրը ստեղծեց աշխատանքային խումբ, որը կոչված է հետևել Իսրայել Պետության հասցեին ատելություն հրահրող հայտարարություններին։
Իսկ վերջին շաբաթներին երկրի դատական համակարգն ուժի մեջ է թողել օրենքը խախտելու համար մեղադրվողների կալանքը։ Ըստ դատավորների՝ դա անհրաժեշտ է՝ հաշվի առնելով, որ երկիրը գտնվում է «պատերազմական վիճակում»։
