Իսրայելական բանակը գրոհում է Ուրիֆ գյուղը, որը գտնվում է Հորդանան գետի արևմտյան ափի Նաբլուս քաղաքից դեպի հարավ-արևմուտք։ Այդ մասին հայտնում է Al Jazeera հեռուստաալիքը։
Ըստ աղբյուրի՝ բախումներ են տեղի ունեցել պաղեստինցիների և իսրայելցի զինվորականների միջև, որոնք հարձակումներ և ձերբակալություններ են իրականացնում Ուրիֆում։
Բախումներ են գրանցվել նաև Արևմտյան ափի Ռամալլա քաղաքից արևմուտք գտնվող Բուդրուս գյուղում: Al Mayadeen հեռուստաալիքի փոխանցմամբ՝ իսրայելական բանակը կրակ է բացել տեղի բնակիչների ուղղությամբ։ Զոհերի մասին տեղեկություններ չկան։
