Նոյեմբերի 9-ին, ժամը 18։54-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մասիս-Նորամարգ ավտոճանապարհին տեղի է ունեցել ՃՏՊ. կա տուժած:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մասիս-Նորամարգ ավտոճանապարհի 3-րդ կմ-ին VAZ մակնիշի ավտոմեքենան (վարորդ՝ Բ. Կ., ծնված 1958 թ․) բախվել է ճամփեզրին կայանած ասֆալտապատման աշխատանքներ իրականացնող հարթիչ գլանակին:
Մինչ փրկարարների կանչի վայր հասնելը՝ «VAZ» մակնիշի ավտոմեքենայի ուղևոր Ա. Կ.-ն (ծնված 1958 թ․) տեղի ուժերով դուրս է բերվել ավտոմեքենայից։
Փրկարարները վարորդին և Ա. Կ.-ին մոտեցրել են շտապօգնության ավտոմեքենային, տուժածները հոսպիտալացվել են բժշկական կենտրոն:
Փրկարարները հոսանքազրկել են ավտոմեքենան և փակել գազի բալոնի փականը:
