Մեկնարկել է ՅՈՒՆԵՍԿՕ-ի գլխավոր կոնֆերանսի 42-րդ նստաշրջանը, որի շրջանակում տեղի են ունեցել կառույցի նոր նախագահի և փոխնախագահների, ինչպես նաև հանձնաժողովների և հանձնաժողովների նախագահների ու փոխնախագահների ընտրություններ։ Ադրբեջանն ընտրվել է ՅՈՒՆԵՍԿՕ-ի գլխավոր կոնֆերանսի փոխնախագահ։
Նստաշրջանի ընթացքում կընդունվի կոնֆերանսի օրակարգը։ Գլխավոր տնօրենը կներկայացնի հաշվետվություն՝ կազմակերպության 2018-2021 թվականների գործունեության, ինչպես նաև գործադիր խորհրդի գործունեության և ծրագրի կատարման մասին։
42-րդ նստաշրջանի շրջանակներում տեղի կունենա ՅՈՒՆԵՍԿՕ-ի ընդհանուր քաղաքականության քննարկում, կանցկացվի նաև կազմակերպության գործընկերների և երիտասարդների ֆորում:
Գլխավոր կոնֆերանսի 42-րդ նստաշրջանը կշարունակվի մինչև նոյեմբերի 22-ը։
