Նոյեմբերի 7-ին ոստիկանության Բազումի բաժին զանգած քաղաքացին հայտնել էր, որ իր բնակարանից գողություն է կատարվել:
Ինչպես տեղեկացնում են ՆԳՆ ոստիկանությունից՝ պարզվել է, որ նոյեմբերի 6-ին՝ ժամը 8.30-ից ժամը 19.30-ն ընկած ժամանակահատվածում, Վարդանանց փողոցի նշված բնակարանից գողացել են լվացքի մեքենա՝ պատճառելով 222 000 դրամի նյութական վնաս:
Ոստիկանության Բազումի բաժնի ծառայողները ձեռնարկած միջոցառումների շնորհիվ պարզվել են, որ վանաձորցի 32-ամյա երիտասարդը, օգտվելով տանը մարդ չլինելու հանգամանքից, գողացել է լվացքի մեքենան, այնուհետև վաճառել է 59-ամյա համաքաղաքացուն:
32-ամյա երիտասարդը հրավիրվել է Բազումի բաժին և խոստովանել արարքը:
Կազմված փաստաթղթերն ուղարկվել են նախաքննական մարմին:
