Եգիպտոսում Կահիրե-Ալեքսանդրիա ավտոմայրուղում շղթայական ավտովթար է տեղի ունեցել, որի հետևանքով տուժել է մոտ հարյուր մարդ:
Ինչպես հաղորդում են տեղական ԶԼՄ-ները, Բեհեյրա շրջանում բախվել են մի քանի տասնյակ մարդատար ավտոմեքենաներ, ինչպես նաև մարդատար ավտոբուս: Հարվածի հետևանքով մեքենաներից մեկը բռնկվել է, և կրակն արագ տարածվել է այլ մեքենաների վրա։
Վթարի վայր են ժամանել հրշեջ հաշվարկներ և շտապօգնության տասնյակ ավտոմեքենաներ: Նրանք տուժածներին արագ տեղափոխել են մոտակա հիվանդանոց։ Վթարի հետևանքով զոհվել է 32 մարդ, կան 60-ից ավել վիրավորներ:
Նախնական տվյալով՝ վթարի պատճառն ավտոմեքենաներից մեկում յուղի արտահոսքն է։ Փաստի առթիվ հարուցվել է քրեական գործ, կատարվում է նախաքննություն:
