Ռուսաստանը շարունակում է ջանքեր գործադրել՝ օգնելու Հայաստանին և Ադրբեջանին խաղաղության պայմանագիր կնքելու հարցում, դա անհրաժեշտ է տարածաշրջանում իրավիճակը կայունացնելու համար՝ հայտարարել է ՌԴ նախագահի խոսնակը: Մեկնաբանելով Wall Street Journal-ի հետ Նիկոլ Փաշինյանի հարցազրույցը՝ Դմիտրի Պեսկովը նշել է՝ Մոսկվան Երևանի հետ ուղղակիորեն կհստակեցնի «անվտանգության ոլորտում հարաբերությունները դիվերսիֆիկացնելու» անհրաժեշտության մասին Հայաստանի վարչապետի հայտարարությունը: Նրա խոսքով՝ Մոսկվան մտադիր է շարունակել երկխոսությունը Երևանի հետ, կողմերն ունեն համատեղ ընդարձակ օրակարգ։ Վարչապետի հարցազրույցին անդրադարձել է նաև ՌԴ ԱԳՆ պաշտոնական ներկայացուցիչը:
Մանրամասները` Դիանա Գասպարյանի ռեպորտաժում: