Լեռնային Ղարաբաղից բռնի տեղահանված անձանց կտրվի ժամանակավոր պաշտպանության կարգավիճակ. գործադիրը հաստատեց նախագիծը: Առաջարկվում է ժամանակավոր պաշտպանության տակ վերցնել և փախստական ճանաչել Լեռնային Ղարաբաղի բնակչության ռեգիստրի հաշվառումներով անցնող անձանց, Հայաստանի տարածքում կամ դրանից դուրս գտնվող այն անձանց, որոնց վերջին հաշվառման հասցեն եղել է Լեռնային Ղարաբաղը: Այդ կարգավիճակը կտրվի նաև նրանց, որոնք չեն ունեցել հաշվառում Լեռնային Ղարաբաղի բնակչության ռեգիստրում, բայց բնակվել են այնտեղ, տեղահանվելուց հետո հաշվառվել են Հայաստանի քաղաքացիության և միգրացիայի ծառայության կողմից։
Կառավարության նիստի մանրամասները՝ տեսանյութում:
