Իսրայելի պաշտպանության ուժերը շարունակում են հարվածներ հասցնել Գազայի հատվածին, ինչպես նաև Լիբանանում «Հեզբոլլահի» թիրախներին: ՀԱՄԱՍ շարժման «Իզեդդին ալ-Քասամի» բրիգադների թևն էլ հայտնել է, որ հարված է հասցվել Թել Ավիվին՝ ի պատասխան Իսրայելի կողմից խաղաղ բնակիչների թիրախավորմանը:
Իսրայելի գլխավոր շտաբի պետ Հերզի Հալևին հայտարարել է, որ զինվորականները պատրաստ են ցամաքային գործողություն իրականացնել Գազայի հատվածում, դրա մեկնարկի ժամկետը կախված է երկրի քաղաքական ղեկավարության որոշումից։ Նրա խոսքով՝ այժմ իսրայելական բանակը բարելավում է կարողությունները:
Իսրայելի պաշտպանության նախարարն էլ վստահեցրել է, որ Գազայի հատվածում ՀԱՄԱՍ-ի դեմ ռազմական օպերացիայի հաջորդ փուլը կներառի գործողություններ ծովում, ցամաքում և օդում։ Յոավ Գալանտը հորդորել է զինվորականներին պատրաստվել, քանի որ հաջորդ փուլին անցնելու հրամանը շուտով կտրվի:
