Իրանի և Ադրբեջանի ԱԳ նախարարներ Հոսեյն Ամիր Աբդոլլահիանն ու Ջեյհուն Բայրամովը հանդիպել են Ջիդդայում, քննարկել բազմակողմ ձևաչափով համագործակցության հարցեր:
Հանդիպման ընթացքում քննարկվել են երկու երկրների միջև գոյություն ունեցող համագործակցությանը, բազմակողմ տարածաշրջանային համագործակցությանն առնչվող օրակարգային հարցեր, ինչպես նաև ընթացիկ իրավիճակը տարածաշրջանում:
Բայրամովը հանդիպման ընթացքում մանրամասն տեղեկություններ է հաղորդել տարածաշրջանում առկա իրավիճակի, Հայաստանի ու Ադրբեջանի միջև խաղաղության գործընթացի օրակարգի հեռանկարների վերաբերյալ։
Հաղորդվել է, թե Ադրբեջանը վճռական է տարածաշրջանում խաղաղության հաստատման և տարածաշրջանային համագործակցության զարգացման խրախուսման հարցում:
Մտքերի փոխանակում է տեղի ունեցել նաև տարածաշրջանային այլ հարցերի շուրջ:
