Թույլ տվեք անձամբ իմ, Հայաստանի Կառավարության և Հայաստանի ժողովրդի անունից ցավակցություն հայտնել Բրյուսելում տեղի ունեցած ահաբեկչության առիթով և դատապարտել այդ ահաբեկչությունը և իմ զորակցությունը հայտնել բոլոր տուժածներին: Եվրախորհրդարանի նախագահ Ռոբերտա Մեցոլայի հետ համատեղ ճեպազրույցում Բրյուսելում երեկ երեկոյան տեղի ունեցած ահաբեկչության կապակցությամբ ցավակցություն հայտնեց ՀՀ վարչապետ Նիկոլ Փաշինյանը:
Ինչպես արդեն հայտնել ենք, Բրյուսելում հրաձգության հետևանքով երկու մարդ է մահացել, մի քանիսը վիրավորվել են: Հարձակումը տեղի է ունեցել տեղական ժամանակով 19:00-ից հետո: Զոհերը ֆուտբոլի Շվեդիայի հավաքականի երկրպագուներ են եղել, եղել են հավաքականի համազգեստով:
