ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի ղեկավարությամբ Կենտրոնական բանկի, Ավտոապահովագրողների բյուրոյի, ՆԳՆ ոստիկանության պարեկային ծառայության, Ճանապարհային ոստիկանության, ԲԻՎԱՔ Հայաստանի ներկայացուցիչների մասնակցությամբ 2023 թվականի հոկտեմբերի 12-ին տեղի է ունեցել աշխատանքային քննարկում ՀՀ ԱԺ պատգամավոր Էդուարդ Աղաջանյանի կողմից առաջարկված՝ ավտովթարների հետևանքով առաջացող արհեստական տևական խցանումների վերացմանն ուղղված օրենսդրական փոփոխությունների վերաբերյալ: Այդ մասին ասված է հանձնաժողովի Ֆեյսբուքի էջում:
«Օրենսդրական փոփոխությունների նպատակն է ներդնել գործուն իրավակազմակերպական կառուցակարգեր՝ ապահովելու տրանսպորտային միջոցների մասնակցությամբ տեղի ունեցած պատահարների ձևակերպման օպերատիվությունը և բնականոն երթևեկությունը՝ այդ ընթացքում խուսափելով փողոցների առկա արհեստական խցանումներից և բնականոն երթևեկության խաթարումներից»,- նշված է գրառման մեջ։
