Ռուսաստանը շարունակում է շփումները ինչպես Իսրայելի, այնպես էլ Պաղեստինի հետ և կփորձի օգնել կարգավորման ուղիների որոնմանը: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը:
«Անշուշտ, մենք վաղեմի պատմական կապեր ունենք պաղեստինցիների հետ, մենք շարունակում ենք մեր շփումները: Բայց դրա հետ մեկտեղ ունենք նաև հարաբերություններ Իսրայելի հետ, որի հետ նույնպես մեզ միավորում են շատ ընդհանրություններ, առաջին հերթին՝ մեծ թվով մեր հայրենակիցները, որոնք ապրում են այդ պետությունում»,- նշել է Կրեմլի խոսնակը:
Նա հավելել է, որ Պաղեստինի նախագահ Մահմուդ Աբասի այցը ՌԴ ծրագրված է եղել նախքան ռազմական գործողությունների մեկնարկը, սակայն այցի հստակ ժամկետներ դեռ չկան:
Պեսկովը նաև հրաժարվել է պատասխանել լրագրողների հարցին, թե ինչպես է Կրեմլը վերաբերվում ԱՄՆ կողմից Ուկրաինային և Իսրայելին ռազմական օգնության տրամադրումը:
