Իրանի գերագույն առաջնորդ այաթոլլա Ալի Խամենեին, ելույթ ունենալով երկրի ռազմական ուսումնարանների շրջանավարտներին նվիրված արարողության ժամանակ, հայտարարել է, որ Իսրայելի դեմ ողջ գործողությունը Պաղեստինն ինքնուրույն է կազմակերպել:
«Մենք համբուրում ենք գրոհի հնարամիտ և հմուտ կազմակերպիչների և պաղեստինցի երիտասարդների ճակատն ու ձեռքերը։ Բայց նրանք, ովքեր ասում են, թե վերջին մեծ իրադարձությունները պաղեստինցիների գործը չեն, սխալ գնահատական են տալիս»,- հայտարարել է գերագույն առաջնորդը։
Ավելի վաղ Սպիտակ տան ներկայացուցիչ Ջոն Քիրբին հայտարարել էր, որ Իրանն օգնել է Իսրայելի դեմ գործողության նախապատրաստմանը, սակայն դրան Իրանի անմիջական մասնակցության ապացույցներ ԱՄՆ-ը չունի:
