Հոկտեմբերի 3-5-ը Փարիզում Հայաստանը մասնակցել է «IFTM TOP RESA-2023» միջազգային զբոսաշրջային ցուցահանդեսին: Այդ մասին հայտնում են ՀՀ Զբոսաշրջության կոմիտեից:
ՀՀ ԷՆ Զբոսաշրջության կոմիտեն 12 ոլորտի կազմակերպությունների հետ ներկայացրել է Հայաստանը որպես հետաքրքիր զբոսաշրջային ուղղություն՝ ծանոթացնելով հյուրերին մեր երկրի տուրպրոդուկտներին, այդ թվում՝ հայկական մշակույթին և համեղ ուտեստներին, որոնք ներկայացված էին տաղավարում:
Մասնակից երկրների զբոսաշրջության ոլորտի ներկայացուցիչները քննարկել են համագործակցության հեռանկարներն ու հնարավորությունները:
«Փարիզից և Լիոնից դեպի Երևան իրականացվող ուղիղ թռիչքների շնորհիվ ֆրանսիացիների համար Հայաստանը համարվում է ճամփորդության իդեալական ուղղություն»,- նշվում է կոմիտեի տարածած հաղորդագրության մեջ:
