Իրանի ԱԳՆ խոսնակ Նասեր Քանանին ամենշաբաթյա ճեպազրույցի ժամանակ անդրադարձել է տարածաշրջանային իրավիճակին: Նրա խոսքով՝ Իրանը պատրաստ է տարածաշրջանային «3+3» ձևաչափով աջակցելու Հարավային Կովկասի խնդիրների լուծմանը:
«Մենք ողջունում ենք Հայաստանի ու Ադրբեջանի միջև հակասությունների վերացումը և դեմ ենք տարածաշրջանում միջազգային սահմանների փոփոխությանը: Վստահ ենք՝ խնդիրների լուծումը պետք է լինի քաղաքական երկխոսության, տարածաշրջանային հնարավորությունների օգտագործման և օտարների միջամտությունից խուսափելու միջոցով»,- նշել է Քանանին:
