Սեպտեմբերի 29-ին՝ ժամը 10:00-ի դրությամբ, բռնի տեղահանվածների թիվը կազմում է 88 780 անձ: Նրանցից 63483 անձ արդեն իսկ հաշվառվել է: Այդ մասին հումանիտար կենտրոնի աշխատանքները ներկայացնող ասուլիսի ժամանակ ասաց ՀՀ վարչապետի մամուլի քարտուղար Նազելի Բաղդասարյանը:
Հակարիի կամուրջը ժամը 10:00-ի դրությամբ հատել է 18756 տրանսպոտային միջոց:
Ընդհանուր թվով 20306 անձ արդեն օգտվել է Կառավարության հատկացրած կեցավայրերից:
Ըստ այդմ՝ Արագածոտնի մարզում տեղաբաշխվել է 972 անձ, Արարատի մարզում` 4658, Արմավիրի մարզում` 1772, Գեղարքունիքում` 1935, Կոտայքում` 4622, Լոռիում` 921, Սյունիքում` 2040, Տավուշում` 1116, Վայոց ձորում՝ 1370, Շիրակի մարզում՝ 900:
Նազելի Բաղդասարյանը նաև տեղեկացրեց, որ երեկ Ստեփանակերտի հրապարակ մեկնած ավտոբուսները Գորիս են տեղափոխել 2000 բռնի տեղահանվածի: Նա նաև տեղեկացրեց, որ ավտոբուսները կրկին կմեկնեն Ստեփանակերտ, և գործընթացը կշարունակվի այնքան ժամանակ, մինչև վերջին մարդուն, որ ցանկություն ունի դուրս գալ ԼՂ-ից, կտեղափոխեն Հայաստան:
