Նիդերլանդները միանում է Եվրամիությանը՝ դատապարտելով Ադրբեջանի ռազմական գործողությունը Լեռնային Ղարաբաղում և դրա հետևանքով մարդկային կորուստները՝ X միկրոբլոգում գրել է երկրի արտգործնախարար Հանկե Բրուինս Սլոթը՝ նշելով, որ ՄԱԿ-ի գլխավոր վեհաժողովի շրջանակում հանդիպել է իր ադրբեջանցի գործընկեր Ջեյհուն Բայրամովի հետ։
«Կոչ ենք անում արդար վերաբերմունք ցուցաբերել Ղարաբաղի հայերի նկատմամբ՝ երաշխավորելով նրանց իրավունքներն ու անվտանգությունը։ ԵՄ մյուս անդամների հետ Բաքվին կոչ ենք անում անհապաղ և անխոչընդոտ մարդասիրական հասանելիություն ապահովել Լեռնային Ղարաբաղի բնակչությանը»,- գրել է Նիդերլանդների արտգործնախարարը:
