ԵԱՀԿ գործող նախագահը կոչ է արել անհապաղ թուլացնել լարվածությունը Լեռնային Ղարաբաղում

Որպես ԵԱՀԿ Գործող նախագահ՝ խորապես մտահոգված եմ Ստեփանակերտում ռազմական գործողությունների և դրանց հետ կապված քաղաքացիական բնակչության վտանգի մասին հաղորդագրություններով՝ X-ի (նախկին Twitter-ի) իր միկրոբլոգում նշել է Բույար Օսմանին։

«Կոչ եմ անում անհապաղ թուլացնել լարվածությունը։ Խաղաղ երկխոսությունը պետք է լինի միակ տարբերակը, և հումանիտար նկատառումները պետք է գերակշռեն։ Այսօր Նյու Յորքում՝ ՄԱԿ-ի Գլխավոր ասամբլեայի շրջանակում, կհանդիպեմ Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հետ և կրկին կոչ կանեմ շարունակել դիվանագիտական փոխգործակցությունը և առաջնահերթ ուշադրություն դարձնել կայուն խաղաղության հասնելու ջանքերին»,- գրել է Օսմանին:

As @OSCECiO I am deeply concerned by reports of military operations and the related danger for civilians in Stepanakert/Khankendi. I call for immediate deescalation. Peaceful dialogue should be the only option and humanitarian concerns must prevail. (1/2)
— Bujar Osmani (@Bujar_O) September 19, 2023

Դիտումների քանակ299