Ուկրաինայի հետախուզության գլխավոր վարչության ղեկավար Կիրիլ Բուդանովը զգուշացրել է, որ Ռուսաստանի հետ երկարատև պատերազմը վտանգավոր է Կիևի համար։ Նրա խոսքով՝ Ուկրաինան մեծապես ապավինում է Արևմուտքի օգնությանը։ Մարտական գործողությունների ձգձգումը սպառում է ինչպես ներքին, այնպես էլ արտաքին ռեսուրսները, գրում է UNIAN-ը:
«Մենք կախված ենք արտաքին խաղացողներից: Ռուսաստանը՝ հիմնականում իրենից: Այսպիսով, երկար պատերազմը վտանգավոր է Ուկրաինայի համար, քանի որ այն սպառում է ոչ միայն իր ներքին ռեսուրսները, այլև արևմտյան գործընկերների ռեսուրսները»,- ասել է Հետախուզության գլխավոր վարչության ղեկավարը:
Միաժամանակ Բուդանովն ընդգծել է, որ նախադրյալներ չկան հավատալու, թե Արևմուտքը կարող է դադարեցնել կամ նվազեցնել Ուկրաինային տրամադրվող օգնությունը։ Սակայն դժվար է ասել, թե որքան ժամանակ գործընկերները կկարողանան լրացուցիչ ռեսուրսներ տրամադրել Ուկրաինային:
