Երևանի քաղաքապետի թեկնածու Մանե Թանդիլյանն իրենց շանսերը բարձր է գնահատում, իսկ միակ մտավախությունը համարում՝ ընտրություններին ցածր մասնակցությունը: «Ապրելու երկիր» կուսակցության քաղաքապետի թեկնածուն այսօր իր պարտքը կատարեց Երևանի Կենտրոնի 9/26 ընտրատեղամասում:
Մանե Թանդիլյան (Երևանի քաղաքապետի թեկնածու, «Ապրելու երկիր» կուսակցություն) - Միայն մասնակցությունն է մեզ համար կարևոր, ես շատ կցավեմ, որ մենք հիմա դիտարկում ենք ինչ-որ տենդենց, դա պահպանվի: Ես հույս ունեմ, որ մարդիկ իրենց գործերից հետո գնալու են ընտրության՝ իմանալով, որ սա կարևորագույն ընտրություններն են Երևանի ավագանու պատմության մեջ:
