Կառավարությունը մոտ 27 մլն դրամ կհատկացնի նախորդ տարի սեպտեմբերին ադրբեջանական ռազմական գործողություններից տուժած Ջերմուկի ճոպանուղու նորոգման համար: Ճոպանուղին այժմ չի գործում, և անձնակազմի մի մասը գտնվում է հարկադրված պարապուրդում և վճարվում է մասամբ:
Գործադիրը հաստատել է նաև ատոմակայանի 2-րդ էներգաբլոկի շահագործման ժամկետը ևս 10 տարով՝ մինչև 2036-ը երկարացնելու ծրագիրը: Միջազգային գործակցությամբ նախատեսվում է ստեղծել Հանցավոր եղանակով ստացված եկամուտների օրինականացման և ահաբեկչության ֆինանսավորման ռիսկերի գնահատման միջազգային կենտրոն:
