Ազգային ժողովի նախագահ Ալեն Սիմոնյանը Ֆեյսբուքի իր էջում ցավակցել է Ալբերտ Ազարյանի մահվան կապակցությամբ:
«Կյանքից հեռացավ Օլիմպիական խաղերի եռակի, աշխարհի քառակի և Եվրոպայի կրկնակի չեմպիոն և, վերջապես, «Օղակների արքա» Ալբերտ Ազարյանը, մարդ, ում հաջողություններով հպարտացել է ողջ հայությունը:
Ցավակցությունս՝ սիրելի մարզիկի հարազատներին, բարեկամներին, ընկերներին, բոլոր երկրպագուներին»,- գրել է նա:
Հիշեցնենք՝ 94 տարեկանում կյանքից հեռացել է հայ մարմնամարզիկ, ԽՍՀՄ սպորտի վաստակավոր վարպետ (1954), ՀԽՍՀ վաստակավոր մարզիչ, ՀԽՍՀ ֆիզկուլտուրայի և սպորտի վաստակավոր գործիչ Ալբերտ Ազարյանը:
