Ստամբուլի իշխանությունները մեկ ամսվա ընթացքում հայտնաբերել են 21 հազար օտարերկրացու, որոնք Թուրքիայում գտնվելու օրինական հիմքեր չունեն, նրանք արտաքսվել են երկրից։
Թուրքիայի ներքին գործերի նախարար Ալի Երլիքայան հայտնել է, որ ապօրինի ներգաղթյալներին հաջողվել է հայտնաբերել միգրացիոն շարժական ստուգման կետերի շնորհիվ, որը պիլոտային նախագիծ է։
Նրա խոսքով՝ ներկայումս Թուրքիայում կա մոտ 4,8 մլն միգրանտ: Նրանցից միայն 1,2 միլիոնը օրինական կացության իրավունք ունի։
