Բելառուսի Հանրապետությունում օգոստոսի 4-ից ընթանում են ԱՊՀ 2-րդ խաղերը, որին Հայաստանը ներկայացնում են 140-ից ավելի պատանի և երիտասարդ մարզիկներ:
Ինչպես տեղեկացնում են ԿԳՄՍՆ-ից՝ օգոստոսի 8-ին Մինսկի «Սպորտային պալատ»-ում կայացած առաջին խաղում Հայաստանի վոլեյբոլի տղաների ընտրանին մրցել է Արաբական Միացյալ Էմիրությունների թիմի հետ և վստահ հաղթանակ տարել՝ 3:0 հաշվով: Թիմը հաջորդ հանդիպմանը կմրցի Բելառուսի հավաքականի հետ:
Այս պահի դրությամբ Հայաստանի հավաքականն ԱՊՀ խաղերում նվաճել է երեք մեդալ:
