Հումանիտար բեռը գրեթե հասել է Գորիս քաղաք: Այդ մասին ուղիղ եթերի ժամանակ ասաց «Լուրերի» թղթակից Մուշեղ Իսախանյանը:
Բեռնատարներն այս պահին կարճ ժամանակով կանգ են առել, բայց շուտով ընթացքը կշարունակվի:
Ըստ լրագրողի՝ մինչև այստեղ բնականոն կերպով ընթացել են բեռնատարները, ոչ մի խնդիր չի եղել: Կարճ դադարից հետո ճանապարհը կշարունակվի արդեն նախապես պլանավորված վայր՝ դեպի Կոռնիձորի սահմանային հատված:
Հիշեցնենք, որ բեռնատարներում կա շաքարավազ՝ 60 տոննա, ձեթ՝ 40 տոննա, ալյուր՝ 100 տոննա, մակարոնեղեն՝ 80 տոննա, աղ՝ 20 տոննա, կաթի փոշի՝ 40 տոննա, մանկական սնունդ՝ 12 տոննա և 9 տոննա դեղորայք: Ընդհանուր առմամբ 19 բեռնատարներում 1-2 օրվա սպառման սնունդ է:
Ըստ ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանի՝ կապ է հաստատվել ՌԴ խաղաղապահ ուժերի հետ՝ բեռը տեղ հասցնելու հետ կապված:
