Հարավային Կորեայի նախագահ Յուն Սոկ Յոլի զոքանչին՝ Չվե Յուն Սունին, ձերբակալել են ֆինանսական փաստաթուղթ կեղծելու մեղադրանքով։ Դատարանը մերժել է փաստաթղթի կեղծման վերաբերյալ դատավճռի բողոքարկումը։
2021 թվականին նա դատապարտվել էր մեկ տարվա ազատազրկման՝ 2013 թվականին Սոննամում հողամաս գնելիս բանկային քաղվածքը կեղծելու մեղադրանքով։ Ըստ դատարանի տվյալների՝ 76-ամյա կինը կեղծել է իր հաշվին 34,7 միլիարդ վոն (27 միլիոն դոլար) մուտքագրելու մասին տեղեկանքը։ Հարավային Կորեայի նախագահի զոքանչը հերքել է իր մեղքը և բողոքարկել։
2022 թվականին էլ Հարավային Կորեայի գերագույն դատարանը Չվե Յուն Սունին արդարացրել էր ապօրինի նպաստ ստանալու գործով։ Նա ղեկավարում էր ծերանոց, որն աշխատում էր առանց լիցենզիայի: Դատարանը 2021 թվականին նրան դատապարտել էր երեք տարվա ազատազրկման, սակայն հետո դատավճիռը չեղարկվել էր։
