Այսօր առավոտից հազարավոր իսրայելցիներ շարունակում են իրենց երթը Թել Ավիվից Երուսաղեմ՝ ի նշան դատական համակարգի բարեփոխումների կառավարության ծրագրերի դեմ բողոքի։
Ցուցարարները վստահ են, որ բարեփոխումների արդյունքում կթուլանա երկրի ժողովրդավարական կառուցվածքը:
Ակցիայի մասնակիցները կաթվածահար են արել Թել Ավիվ-Երուսաղեմ մայրուղու երթևեկությունը: Ցուցարարների շարասյունը ձգվում է մի քանի կիլոմետր։ Նրանք նպատակ ունեն հասնել Իսրայելի խորհրդարան՝ շարունակելով անհնազանդության ակցիաները:
