Թուրքիայի արտգործնախարար Հաքան Ֆիդանը հեռախոսազրույց է ունեցել Ռուսաստանի արտգործնախարար Սերգեյ Լավրովի հետ, քննարկել հացահատիկի գործարքի շուրջ ստեղծված իրավիճակը։ Այս մասին հայտնել են Թուրքիայի արտաքին քաղաքական գերատեսչությունից:
ՌԴ ԱԳՆ-ից հայտնել են, որ որպես Սևծովյան նախաձեռնության այլընտրանք՝ նախարարները դիտարկել են առավել կարիքավոր երկրներին հացահատիկի մատակարարման այլ տարբերակներ, «որոնք կախված չեն Կիևի և նրա արևմտյան հովանավորների դիվերսիոն գործողություններից»:
Նշվում է, որ Լավրովը թուրք գործընկերոջը ներկայացրել է գործարքի դադարեցման պատճառները, որոնց թվում նշվել են ռուսական բանկային վճարումների, ապահովագրության և տրանսպորտային լոգիստիկայի արգելափակման շարունակումը, արտասահմանյան ակտիվների և ռուսական գյուղմթերքի ու պարարտանյութերի մատակարարումների սառեցումը։
