Լաչինի միջանցքի շրջափակումը պետք է վերացվի, և բոլոր ապօրինի անցակետերը պետք է հեռացվեն․ Կովաչև

Ուրախալի է տեսնել առաջընթաց Շառլ Միշելի միջնորդությամբ Հայաստանի և Ադրբեջանի միջև խաղաղ բանակցություններում որոշ կարևոր կետերում։ Այս մասին Twitter-ի իր միկրոբլոգում գրել է Եվրախորհրդարանի պատգամավոր, Հայաստանի հարցով մշտական զեկուցող Անդրեյ Կովաչևը։

«Երկու երկրների միջև բանակցությունները պետք է շարունակվեն, մինչդեռ զուգահեռաբար պետք է որքան հնարավոր է շուտ վերացվի Լաչինի միջանցքի շրջափակումը, և բոլոր ապօրինի անցակետերը պետք է հեռացվեն: Լեռնային Ղարաբաղի բնակչությունը պետք է հումանիտար օգնության և առաջին անհրաժեշտության ապրանքների հասանելիություն ունենա, որպեսզի խուսափի լայնամասշտաբ հումանիտար ճգնաժամից»,- գրել է եվրապատգամավորը։

It is encouraging to see progress on some of the most important points in peace talks between #Armenia and #Azerbaijan facilitated by @CharlesMichel. The negotiations between the two countries must continue, while in parallel the blockade of the #LachinCorridor must be lifted. https://t.co/5pWhXoQLko
— Andrey Kovatchev (@andreykovatchev) July 17, 2023

Դիտումների քանակ4607