Պետական աւագանիի, հայ և իսլամ հոգևոր պետերու, Հալէպի մէջ ՀՀ գլխաւոր հիւպատոսութեան խորհրդական հիւպատոսի ու դիւանագիտական ներկայացուցիչներու, ՀՀ մարդասիրական խումբի պատասխանատուի և Հալէպի հայկական համայնքի, ազգային մարմիններու ու միութիւններու ներկայացուցիչներու մասնակցութեամբ` բացումը կատարուեցաւ Սուրիոյ Հայ Աւետարանական համայնքապետարանին:
Վերապատվելի Հարություն Սելիմյան Սիրայի Հայ Ավետարանական համայնքի համայնքապետ - Այսօր մենք կը յիշենք, որ բնական օրերու մէջ չենք, օրերը տնտեսական իմաստով, ապահովական իմաստով և միջազգային քաղաքականութեան լարուած իրականութիւններով բաւական տխուր տեղ կրնայ տանիլ մեզ, սակայն այսօրուան համայնքապետարանը ինքնին արտայայտութիւնն է ներքին ուժականութեան և դրականութեան:
Սուրիոյ մէջ Հայ Աւետարանական Համայնքը կը գործէ 1855-էն սկսեալ: 2020-ին համայնքապետ Յարութիւն Սելիմեանի նախաձեռնութեամբ կ՛որոշուի իրականացնել «ԹելԻՖոն Հաուաի» թաղամասին մէջ համայնքապետարան կառուցելու ծրագիրը, որ կ՛իրագործուի Հունգարիոյ կառավարութեան Hungary Helps բարեսիրական հաստատութեան նիւթական աջակցութեամբ:
Լուսի Աբաջյան Հայ Ավետարանական «Բեթել» վարժարանի փոխտնօրեն - Յատկապէս հայաբնակ այս թաղամասին մէջ գտնուած ըլլալով ժողովուրդին կարիքներուն անսալու` սոյն համայնքապետարանը իր ծառայութիւնները պիտի մատուցէ բոլոր համայնքի զաւակներուն առանց խտրականութիւն դնելու անոնց միջև:
Նորակառոյց համայնքապետարանը եռայարկանի շէնք է, ունի դահլիճներ, աշխատանքային գրասենեակներ, ժողովասրահներ ու մշակութային լսարաններ:
Մարիա Պոզիագալյան Հայ Ավետարանական համայնքի քարտուղար - Համայնքային, մշակութային, ազգային և կրթական ծառայութիւնները աւելի հունաւորելու և կազմակերպելու համար նոր համայնքապետարանի մը գոյութիւնը անհրաժեշտ կարիք մը նկատուեցաւ:
Համայնքապետարանը տարբեր բնոյթի ծառայութիւններ պիտի մատուցէ, ինչպէս կրթական, քանդուած կառոյցներու վերանորոգման և հայ համայնքի զաւակներուն բազմաթիւ կարիքներու բաւարարման, մանաւանդ կենցաղային անհրաժեշտ պահանջներուն գոհացման:
Բացման հանդիսութեան վերապատուելի Սելիմեան իր խօսքին մէջ անդրադարձաւ, որ այս տարածքը, ուր այսօր տօնական մթնոլորտ կը տիրէ, ուր շքեղ ու շողարձակ երանգներով արձակուող լոյսը յոյս կը սփռէ` սոսկ քանի մը տարի առաջ հրթիռակոծման սպառնալիքին տակ վտանգազդու վայր էր:
Վերապատվելի Հարություն Սելիմյան - Այս կեդրոնը պիտի ծառայէ ոչ թէ միայն որպէսզի մեր աշխատանքները աւելի կարգաւորուած կարենանք ընել հապա նաև պիտի ծառայէ միջ-համայնքային փոխ յարաբերութեան ամրապնդման և աւելի մշակուած և արդիւնաւոր աշխատանք կարենալ տանելու մեր ժողովուրդի զանազան կարիքներուն հասնելու համար: Կարիքները անհամար են և դժուար օրերը տակաւին մեր քովէն կ՛անցնին, սակայն մենք այդ բոլորը անցնելով պիտի ուզենք աւելի դրական մօտենալ կապուած մեր պատկանելիութեան, մեր առաքելութեան և դէպի ապագայ սուրիական ասպնջական հայրենիքին մօտ մեր բերած ներդրումին:
Հալէպի նահանգապետարանի խորհուրդի անդամ Ճորճ Պախաշ ընդգծեց, որ այս նախաձեռնութիւնը ուրախութիւն կ՛առթէ ողջ ժողովուրդին` քրիստոնեաներուն և իսլամներուն, որովհետև կը հաստատէ երկրին տէր դառնալու ընտրուած ուղիի ճշգրտոթիւնը:
Ջորջ Բաղաշ Հալեպի նահանգապետարանի խորհուրդի անդամ - Մեր թշնամիները փորձեցին քանդել երկիրը, սակայն մենք վերակառուցեցինք, հետևաբար այս նորակառոյց շենքը մեր հաղթանակի ապացոյցն է: Այսօր դեպի վերականգնում նոր հանգրվան ենք թևակոխում և այս քայլը մարմնավորում է երկրի նախագահի հայտարարած «Հույսը՝ աշխատանքով» կարգախոսը:
Համայնքապետարանի կողքին կը գործեն համայնքի եկեղեցին, համանուն վարժարանը, քրիստոնէական դաստիարակութեան կիրակնօրեայ դպրոցը, սրահներն ու շրջափակերը: