Նյու Յորքում երկու ավտոբուսի բախման հետևանքով ավելի քան 80 մարդ է վիրավորվել: Այս մասին հայտնում է ABC հեռուստաալիքը՝ վկայակոչելով հրշեջ ծառայությանը։
Բախումը տեղի է ունեցել Մանհեթենի շրջանում՝ երեկոյան ժամը 7-ի սահմաններում, երբ երկհարկանի զբոսաշրջային ավտոբուսը բախվել է քաղաքային տրանսպորտային ցանցի ավտոբուսին: Երկու մեքենաներում էլ բազմաթիվ ուղևորներ են եղել։
Վիրավորված 18 քաղաքացուն տեղափոխել են հիվանդանոց, ևս 63 տուժածի օգնություն է ցուցաբերվել դեպքի վայրում:
Ականատեսների խոսքով՝ բախումը տեղի է ունեցել զբոսաշրջային ավտոբուսի վարորդի մեղքով, որն անցել է լուսացույցի կարմիր լույսի տակով։
