Խորհրդարանում «Բաց դաս» ծրագրի շրջանակում ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը հյուրընկալել է Արարատի մարզի Ղուկասավան համայնքի միջնակարգ դպրոցի աշակերտներին և ուսուցիչներին։
Աշակերտները հարցեր են ուղղել խորհրդարանական աշխատանքների, ինչպես նաև պատգամավոր դառնալու գործընթացի վերաբերյալ։
Անդրադարձ է եղել Հայաստանում էթնիկ փոքրամասնությունների խնդիրներին:
Պատգամավորը երիտասարդներին օգտակար խորհուրդներ է տվել մասնագիտության ընտրության հարցում:
Հյուրերը եղել են ԱԺ թանգարանում, լուսանկարվել նիստերի դահլիճում:
