Թուրքական Baykar ընկերությունը 2025 թվականին Ուկրաինայում կսկսի Bayraktar TB2 և Bayraktar Akinci մարտական անօդաչու թռչող սարքերի արտադրությունը։ Այդ մասին Yeni Akit թերթի հետ հարցազրույցում ասել է ընկերության գործադիր տնօրեն Հալուք Բայրաքթարը։
Ընկերության գլխավոր տնօրենն ասել է, որ գործարանում նախապատրաստական աշխատանքի հիմնական մասն արդեն ընթանում է։ Նախատեսվում է, որ այն էլեկտրիֆիկացվի հուլիսին։
Նշվում է նաև, որ ուկրաինական արտադրության մեջ թուրքական ընկերության ընդհանուր ներդրումները կազմում են ավելի քան 95 մլն դոլար։
2022 թվականի հունիսի 28-ին Ուկրաինայի պաշտպանության նախարար Ալեքսի Ռեզնիկովը հայտարարեց, որ Baykar Makina գործարանն իր հզորության մեծ մասը կկենտրոնացնի Ուկրաինայի համար հարձակողական անօդաչու թռչող սարքերի արտադրության ուղղությամբ:
Ավելի ուշ՝ նույն տարվա օգոստոսի 9-ին, Կրեմլի խոսնակ Դմիտրի Պեսկովը հայտարարեց, որ Ուկրաինայում անօդաչու թռչող սարքերի գործարանը կհայտնվի ՌԴ զինված ուժերի թիրախում։
