ԱՄՆ պետքարտուղարության մամուլի քարտուղար Մեթյու Միլլերը տեղեկացրել է, որ Լոնդոնում տեղի է ունեցել ԱՄՆ պետքարտուղար Էնթոնի Բլինքենի և Թուրքիայի արտգործնախարար Հաքան Ֆիդանի հանդիպումը:
«Պետքարտուղար Բլինքենն այսօր հանդիպել է Թուրքիայի արտգործնախարար Հաքան Ֆիդանի հետ Լոնդոնում՝ Ուկրաինայի վերականգնման վերաբերյալ համաժողովի շրջանակում: Պետքարտուղար Բլինքենը և նախարար Ֆիդանը քննարկել են տարածաշրջանային մի շարք ընդհանուր առաջնահերթություններ:
Պետքարտուղարը ողջունել է Թուրքիայի աջակցությունն Ուկրաինային, այդ թվում՝ Անկարայի աշխատանքը Սևծովյան հացահատիկային նախաձեռնության հարցում: Նա նաև ընդգծել է ՆԱՏՕ-ի միասնության կարևորությունը նման կրիտիկական պահին և կոչ Է արել Թուրքիային աջակցել Շվեդիայի անդամակցությանը դաշինքին»,- հաղորդում է Միլլերը:
